हेटौँडा, २७ पुस | राष्ट्रिय खेलकुद परिषद्अन्तर्गत हेटौँडामा आजदेखि राष्ट्रिय कुस्ती शुरु भएको छ ।

प्रतियोगितामा महिला र पुरुष गरी ७८ जना सहभागी भएको जिल्ला खेलकुद विकास समिति मकवानपुरले जनाएको छ । प्रतियोगितामा पुरुषतर्फ ५६ तथा महिलातर्फ २२ जना रहेको नेपाल कुस्ती संघका महासचिव विद्यासागर पोखरेलले बताउनुभयो ।

प्रतियोगितामा पुरुषतर्फ ५७ केजीदेखि १२५ केजीसम्मको उमेर समूह तथा महिलातर्फ ४५ केजीदेखि ७५ केजीसम्मका उमेर समूहको सहभागिता रहनेछ । रासस